Skilgreining

Kúlulán er tegund láns þar sem lántaki endurgreiðir allan höfuðstólinnSú fjárhæð láns sem eftir stendur og vextir reiknast af hverju sinni. í einni greiðslu þegar lánstíma lýkur. Yfir lánstímann greiðir því lántaki einungis vexti, ýmist mánaðar- eða árlega, eða frestar greiðslu þeirra fram að lokagreiðslu og safnar þeim því ofan á höfuðstól yfir lánstímann. Þessi tegund lána hefur verið notuð t.d. til að fjármagna verkefni eða fjárfestingar, þar sem gert er ráð fyrir að fjárstreymi eða sala eigna standi undir lokagreiðslunni. Kúlulán kann að hljóma sem áhugaverður valkostur, sérstaklega ef búist er við auknum tekjum eða sölu eigna í framtíðinni. Hins vegar getur áhættan verið mikil, þar sem greiðslubyrðinRegluleg mánaðarleg greiðsla vegna lána og skuldbindinga. safnast saman í lokin og getur orðið þung ef fjárhagsleg staða hefur ekki þróast eins og áætlað var. Kúlulán eru afar sjaldgæf á meðal einstaklinga á Íslandi.

Raundæmi

Jón tekur kúlulán að fjárhæð 5.000.000 kr. til fimm ára með 6% ársvöxtum. Hann greiðir einungis vexti, eða 300.000 kr. á ári, í fimm ár. Að fimm árum loknum þarf hann síðan að greiða allan höfuðstólinn, 5.000.000 kr., í einu lagi. Þetta þýðir að Jón greiðir samtals 1.500.000 kr. í vexti á lánstímanum, og svo 5.000.000 kr. í lokin. Samtals greiðir hann því 6.500.000 kr. fyrir lánið.

Hvaða áhrif hefur þetta á mig?

Kúlulán geta létt greiðslubyrði tímabundið, því á meðan lánstímanum stendur þarftu aðeins að greiða vexti. Þetta getur hentað vel ef þú vilt nýta fjármagnið til frekari fjárfestinga, til dæmis í fyrirtækjarekstri. Áhættan er þó sú að lokagreiðslan verði mjög há og ef þú hefur ekki safnað fyrir henni getur staðan orðið erfið. Þetta skapar hættu á því að þurfa að selja eignir eða taka nýtt lán til að standa undir lokagreiðslunni.