1. Skilgreining

Debetkort er tegund greiðslukorta og er nýtt til að borga fyrir vörur og þjónustu. Það tengist beint við bankareikninginn þinn þannig að þegar þú borgar með því, þá dregst upphæðin strax af reikningnum. Ólíkt kreditkortum, þar sem þú tekur lán og borgar seinna, þá borgaru bara það sem þú átt með debetkorti.

Þegar þú notar debetkort út í búð eða á netinu ertu í raun að segja: „Taktu þessa upphæð beint af peningunum mínum í bankanum.“ Þú getur því aðeins eytt því sem er til á reikningnum þínum – ef ekkert er til, þá virkar kortið ekki.

Þetta gerir debetkort að góðu tóli til að halda yfirsýn yfir útgjöldin þín. Þ.e þú eyðir aðeins eigin peningum og átt auðveldara með að forðast skuldir. Hins vegar er mögulegt að vera með yfirdrátt á bankareikning og því er hæglega hægt að komast í skuld á debetkorti, en þó ekki án þess að þú sækir sérstaklega um það.

2. Raundæmi

Íris fer í búð og kaupir mat fyrir 5.000 kr. Hún á 10.000 kr. inni á bankareikning og borgar með debetkortinu sínu. Um leið og greiðslan fer í gegn, lækkar innistæða á bankareikningnum hennar niður í 5.000 kr. Íris greiðir því kostnaðinn strax út af reikning hjá sér.

3. Hvaða áhrif hefur þetta á mig?

Ef þú notar debetkort þá hefur þú fullkomna yfirsýn yfir útgjöldin þín í rauntíma, því þú eyðir aðeins því sem þú átt. Þú forðast óvæntar upphæðir í lok mánaðar eins og oft vill gerast þegar fólk notar kreditkort

4. Tegundir

Debetkort eru gefin út af mörgum fjármálafyrirtækjum og eru til í allskonar útfærslum, en eiga það þó öll sameiginlegt að draga pening út af bankareikningi um leið og færsla fer í gegn. Í dag eru flestir farnir að nota debetkort rafrænt í gegnum síma.