1. Skilgreining

Tollar er gjald sem þarf að greiða þegar vara fer yfir landamæri, oftast þegar hún er flutt inn í landið. gjaldi er þá bætt við vöruna sem gerir hana dýrari fyrir innflutningsaðila og að endingu dýrari fyrir viðskiptavini. Ríki nota tolla til að fá tekjur en einnig til að vernda innlendar vörur og fyrirtæki gegn erlendum samkeppnisaðilum. Ef engir tollar væru, væri sumt ódýrara en innlendir framleiðendur ættu þó erfiðara með að keppa við þau fyrirtæki sem flytja inn vörur.

2. Raundæmi

Katrínu hefur lengi langað að prófa nýja Tik-Tok súkkulaðið, en það er hvergi fáanlegt á Íslandi. Hún bregður því á það ráð að panta súkkulaðið sjálf á netinu. Hún ákveður að kaupa súkkulaði fyrir 18.000 kr. en bregður í brún að sjá miklu hærri tölu á skjánum þegar komið er að því að borga

3. Hvaða áhrif hefur þetta á mig?

Tollar hafa áhrif á verð þeirra vara sem þú pantar frá útlöndum – þú borgar oft meira en upphaflega verð vörunnar. Þeir hafa líka áhrif á vöruúrval og verðlag í landinu almennt, sérstaklega ef mikið er flutt inn. Fyrirtæki sem flytja inn vörur þurfa að reikna með þessum kostnaði í verðlagningu.

4. Tegundir

Innflutningstollar: Lagðir á vörur sem fluttar eru inn til lands.
Útflutningstollar: Lagðir á vörur sem fluttar eru út úr landi.
Verndartollar: Notaðir til að verja innlenda framleiðslu.