Skilgreining

Rekstrarreikningur er sá hluti ársreikningsYfirlit yfir fjárhag fyrirtækis yfir heilt rekstrarár sem sýnir hvað fyrirtæki þénaði og hvað það eyddi yfir liðið ár. Hann hjálpar fólki að leggja mat á gæði rekstursins og að lokum sjá hvort fyrirtækið hagnist eða tapi. Rekstrarreikningur er yfirleitt settur upp þannig að rekstrartekjur eru birtar fyrst, síðan er dreginn frá kostnaður eins og launakostnaður, vörukostnaður og húsnæðiskostnaður. Að því loknu eru dregin frá nettó fjármagnsgjöld (innvextir – útvextir) og að lokum skattar af hagnaði (ef einhver). Niðurstaðan er svo hreinn hagnaður eða tap. Rekstrarreikningur er mikilvægur til að sjá hvar reksturinn stendur að ári loknu. Dæmi um algengar stærðir og hlutföll sem hægt er að draga út úr rekstrareikning eru Framlegð, álagning, EBITDA og EBIT.