Skilgreining

Efnahagsreikningur er hluti ársreikningsYfirlit yfir fjárhag fyrirtækis yfir heilt rekstrarár sem sýnir hvað fyrirtæki á (eignir) og hvað það skuldar (skuldir) á loka degi rekstrarárs, oftast 31.desember. Hann sýnir líka eigið fé, sem er mismunur á eignum og skuldum.

Raundæmi

Til einföldunar er hægt að yfirfæra hugmynd um efnahagsreikning fyrirtækis yfir á þín eigin íbúðakaup. Þú kaupir íbúð á 50 milljónir, en leggur út 10 milljónir í upphafi og færð lán fyrir 40 milljónum. Eignin þín er því 50 m.kr. virði, Skuldin er 40 m.kr. og mismunirinn, 10 m.kr. sem þú lagðir út í upphafi, er eigið fé. Sami þankagangur á sér stað á bakvið efnahagsreikning. Þú fjárfestir pening fyrirtækis í eign en færð kannski hluta af kaupunum að láni til að geta fjármagnað kaupin. Einfalt dæmi gæti litið svona út: Fyrirtækið á því eignir sem metnar eru á 20 m.kr. umfram skuldir þess og því í jákvæðri eiginfjárstöðu. Sambærilegt dæmi fyrir einstakling væri ef íbúð þín væri verðmetin á 42,5 m.kr. en þú skuldaðir 22,5 m.kr. Þá ættir þú 20 m.kr. í eigið fé.

Hvaða áhrif hefur þetta á mig?

Efnahagsreikningur hjálpar þér að sjá heildarmynd af efnahagi fyrirtækis á ákveðnum tímapunkti. Fyrir fjárfesta eru þetta lykilupplýsingar til að meta fjárhagslega heilsu fyrirtækis. Ef þú átt fyrirtæki getur efnahagsreikningur bent þér á hvort þú sért of skuldsettur, hvort þú eigir nægt handbært fé til að mæta skuldbindingum, eða hvort hlutfall eigna og skulda sé í heilbrigðu jafnvægi. Fyrir einstaklinga getur svipuð nálgun nýst í eigin fjármálum.