Skilgreining

Arðgreiðsla er úthlutun hagnaðar hlutafélags eða einkahlutafélags til hluthafa í samræmi við eignarhlut hvers og eins. Ákvörðun um arðgreiðslu er tekin á hluthafafundi og byggist á samþykktum félagsins, lögum um hlutafélög/einkahlutafélög og fjárhagsstöðu félagsins.
Fyrirtæki geta valið að halda eftir hagnaði í rekstrinum til fjárfestinga og vaxtar í stað þess að greiða hann út. Arðgreiðslustefna getur þannig endurspeglað framtíðaráætlanir og áherslur stjórnenda.

Raundæmi

Kaffihúsið ehf. skilaði 10 m. kr. hagnaði eftir skatt árið 2024. Arðgreiðslustefna fyrirtækisins segir til um að 50% af hagnaði fari í arðgreiðslur til hluthafa ár hvert. Á hluthafafundi var því samþykkt að fyrir rekstrarárið 2024 yrðu greiddar út 5 milljónir króna í arð til hluthafa og 5 milljónir yrðu nýttar í að fjárfesta í nýjum tækjum til áframhaldandi vaxtar. Tveir einstaklingar eiga félagið, Elín með 60% hlut og Jón með 40% hlut. Elín fær því 3 milljónir króna og Jón fær 2 milljónir króna.
📌 Nánar: Úthlutun arðs fer fram í hlutfalli við eignarhlut hvers hluthafa.
  • 💵 Elín (60%): 0,60 × 5.000.000 = 3.000.000 kr.
  • 💵 Jón (40%): 0,40 × 5.000.000 = 2.000.000 kr.
Arðgreiðslur falla undir fjármagnstekjur svo af þessari upphæð greiða þau svo 22% fjármagnstekjuskatt þegar þau skila skattframtali.
💡 Athugaðu: Fyrirtæki geta ekki greitt út meiri arð en eigið fé leyfir samkvæmt samþykktum og lögum. Ólöglegar arðgreiðslur gæti þurft að endurgreiða.
Hvaða áhrif hefur þetta á mig? Fyrir hluthafa eru arðgreiðslur bein umbun fyrir fjárfestingu í fyrirtæki. Þær geta verið reglulegar eða óreglulegar og ráðast af afkomu, arðgreiðslustefnu og fjárhagsstöðu félagsins. Fyrir fyrirtækið er mikilvægt að tryggja að arðgreiðslur veikji ekki rekstrarhæfi eða framtíðaráætlanir.